خمسة سياحة في المنصورة "إدّي الجمال لناسه"

الدقهلية، أو المنصورة، زي ما الناس عارفينها، او عاصمة الجمال، زي ما هي مشهورة، من أكبر محافظات مصر. وفي التقرير التالي نأخذك في “خمسة سياحة في المنصورة”.

أشهر بلد في الدقهلية هي عاصمتها المنصورة، اللي كانت اسمها زمان جزيرة الورد عشان فيها أكبر حديقة ورود في مصر، ومع الوقت اتسمت “عروس النيل” لأن النيل كان محاوطها من 3 جهات

خمسة سياحة في المنصورة.. هتوصل إزاي

الطريقة الأكثر راحة والأسرع هي القطار طبعًا، مواعيد القطارت السريعة من وإلى القاهرة ويبلغ سعر التذكرة للدرجة المكيفة 25 حنيها والمميزة 7 جنيهات، وفيما يلي جدول بالمواعيد:

والطريقة التانية ممكن تروح عن طريق اتوبيس شركة شرق الدلتا، ورحلاتها تبدأ من الساعة السابعة والنصف صباحا وتستمر لحد 7.5 ليلًا، وفي كل ساعة بيطلع أتوبيس، من القللي اللي في ميدان رمسيس، وتنزل في قلب المنصورة، والتذكر ة 25 جنيهًا، وهاتحجز قبل الأتوبيس ما يطلع بساعة.
لما توصل المنصورة، هيكون عندك شركات تأجير السيارات في المنصورة عن طريق تطبيق على الموبايل منها “مشاوير”، تقدر من خلالها طلب سيارة خلال دقائق، وتقدر تحدد جهتك عن طريق التطبيق، بالإضافة لشركة تاني اسمها أسطى.

خمسة سياحة في المنصورة.. هاتبات فين

عندك 4 فنادق مميزة بنرشحهم ليك
“رمادا” وهو تابع لجامعة المنصورة، ومكانه في شارع الجمهورية ويطل على النيل مباشرة، أسعاره 300 جنيه للغرفة المزدوجة، و225 للغرفة المنفردة
مارشال: وله فرعين الأول أمام محطة قطارات المنصورة، ويضم مجموعة أسواق للملابس والأحذية والأنتيكات والذهب، تقدر تتسوق فيها، والثاني في شارع المشاية السفلية “جزيرة الورد”، وأسعاره تبدأ من 100 جنيه في الليلة الواحدة.
بعد ما تاخد راحتك لازم تنزل تتمشى في شارع المختلط، ودا فيه عدد كبير من القصور والبيوت القديمة بالتصميمات المعمارية المميزة، أبرزها القصر الأحمر اللي بناه ألفريد جبور عام 1920.
كمان مينفعش ما تزورش دار ابن لقمان، اللي أسر فيه لويس التاسع ملك فرنسا خلال فترة الحملات الصليبية، وهناك هاتشوف مجسمات تحكي تاريخ المكان.

خمسة سياحة في المنصورة.. قصر الشناوي

أيضا من المعالم المهمة في المنصورة برضه قصر الشناوي.. واللي استضاف كبار المشاهير ورجال الدولة منهم الملك فاروق وسعد زغلول، وأم كلثوم، بناه الشناوي باشا، عضو مجلس النواب عام 1928.

كما يمكنك الاستمتاع بجمال النيل وانت بتتمشى في شارع “المشاية”، وتقدر تأجر مركب بـ2 جنيه.
أيضا يمكنك الاستمتاع بجمال النيل والسير في شارع “المشاية”.. أو ركوب المراكب  بسعر 5 جنيه، أما الجدافات فأسعارها تتراوح ما بين 15 إلى 20 جنيها.
كما يمكن أن تتفسح في حدائق المنصورة العامة، وفي المدينة 7 حدايق عامة مفتوحة، بأسعار زهيدة.. وهي: “حي شرق” و”الأندلس” ويقعان في شارع الجيش أمام حي شرق المنصورة، من غير تذاكر دخول.

وعندك حديقة “شجرة الدر” وتقع في شارع المشاية السفلية.. ويبلغ رسم دخولها جنيهان للفرد، بها ممشى يطل على النيل.. ويمكنك استقلال الجدافات، كما تضم ألعاب للأطفال، سعر تذكرة الدخول 5 جنيهات، بدون أسعار الألعاب.

خمسة سياحة في المنصورة.. سعر التذكرة

“صباح الخير يا مصر” تقع بمنطقة عمر افندي بجوار قصر ثقافة المنصورة.. سعر التذكرة جنيه ونصف للفرد، بخلاف المشروبات والمأكولات.

“صدفة” تقع بمنطقة المختلط، وليس لها تذاكر محددة، والحساب يكون للمشروبات.

“الحديقة العامة” تقع بمنطقة عمر افندي بجوار قصر ثقافة المنصورة، سعر التذكرة جنيهان بخلاف المشروبات.

وإنت في المنصورة تقدر تشوف أحدث الأعمال السينمائية في سينما نانسي بشارع مجمع المحاكم.. وسعر التذكرة 30 جنيه، أو الجزيرة بشارع المشاية وسعر التذكرة 40 جنيه، أو جالاكسي بمول الجامعة بتذكرة قيمتها 50 جنيه.

خمسة سياحة في المنصورة.. الحلويات

وانت في المنصورة ننصحك تروح مدينة أجا أحسن بلد تاكل فيها “البليلة”.. فيها عائلتين تخصصا فيها هما الفخراني والأجاوي. ومدينة أجا بينها وبين المنصورة مسافة 20 كيلو متر، وتروحلها من موقف سندوب بالمنصورة.

أيضا عندك قرية “القباب الصغرى” التابعة لمركز دكرنس، واللي تلقب بعاصمة الكعك والبسكويت”.. وتستغرق 20 دقيقة من موقف الدراسات بالمنصورة.

أما لو بتحب “الفسيخ”، فأفضل مكان تشتري منه فسيخ هو نبروه.. وتبعد عن المنصورة بمسافة 15 كيلو تقريبا وتستغرق 20 دقيقة من الموقف القديم بمدينة طل.

خمسة سياحة في المنصورة.. دير القديمة دميانة

وإنت في المنصورر لازم تزور دير القديسة دميانة، في مدينة بلقاس واللي تبعد عن المنصورة 40 دقيقة، دير القديسة دميانة تحفة معمارية يرجع تاريخها إلى القرن الرابع الميلادي.. لما جاءت الإمبراطورة “هيلانه” إلى برارى بلقاس.. وشيدت مقبرة خاصة بالقديسة دميانة والأربعين عذارى وفوقها كنيسة.

وعشان توصل دير القديسة دميانة من مدينة المنصورة، يبقى هاتركب إلى مدينة جمصة من الموقف الجديد بطلخا بسعر 7 جنيهات.. وتنزل أمام قرية دميانة على الطريق السريع، وبعدين هاتعدي الطريق للناحية التانية للقرية، ومنها تقدر تروح الدير.