أشياء عليك أن تفعلها إذا زرت المنيا

تصوير- أحمد دريم

هو الجو برد ولا حر؟ إحنا صيف ولا شتا؟ وتتعب نفسك ليه وتفكر ليه، خدها من قاصرها وانطلق إلى المنيا، كدا كدا جوها معتدل في الصيف والشتا.
المنيا بينها وبين القاهرة مسافة 241 كيلومتر، يعني بالكتير 3 ساعات من العاصمة هاتلاقي نفسك في المنيا.
دي مواعيد قطار VIP وسعر تذكرته الدرجة الأولى 109 جنيه، والدرجة الثانية 72 جنيه:
2012 يتحرك من محطة القاهرة الساعة 10 صباحًا ويصل المنيا الساعة 1 ظهرًا
2006 من محطة القاهرة الساعة 5:40 مساءً ويصل المنيا الساعة 8:30 مساءً.
2014 من محطة القاهرة الساعة 9:10 مساءً ويصل المنيا الساعة 12 صباحًا.

جو محافظة المنيا صحراوي جاف ولكنها يتميز بالاعتدال صيفًا وشتاءً.
طيب هاتتحرك ازاي في المنيا؟ بص يا سيدي كل الطرق في المنيا تؤدي لبعضها، موقف المراكز في المنيا قريب من محطة السكة الحديد، وممكن تكمل بالقطر لحد المركز.

تعريفة المواصلات إلى المنيا

أما تعريفة المواصلات داخل المدينة بجنيه واحد لأي مكان، والمراكز تعريفة المواصلات تتراوح بين 3 جنيه لحد 7 جنيه على حسب بعد المسافة، لو احترت تروح فين ازاي اركب تاكسي تعريفته بـ5 جنيه، أو اركب القطر.
بالنسبة للإقام.. فنادق المنيا كتيرة وكلهم أحلى من بعض، هاتلاقي أغلبهم ع الكورنيش، كمان الخدمات متقاربة جدًا، بس أحنا بنرشحلك فندق جراند أتون على كورنيش النيل مباشرة، مع وجود حمام سباحة خاص لنزلاء الفندق، وأكثر من مطعم يقدم أشهي الماكولات والحلويات والمشروبات، وكمان تراس على النيل مباشرة.
سعر حجز الغرفة الفردية بالفندق 550 والمزدوجة 650 والثلاثية 750. https://www.facebook.com/Grand.Aton.Hotel/
ودي ترشيحات تاني ممكن تختار منها

مشروب القصب في المنيا

المنيا زيها زي أي محافظة صعيدية أصيلة، عصير القصب شيء أساسي، بس هنا بقا لازم تجرب عصير قصب الإسكندرني في شارع طه حسين جنب محل الميهوب أشهر محل حلويات هناك، هتعرفه علطول من عرضه لجميع أنواع الفاكهة قدام المحل.
شوارع المنيا واسعة وهادية جدًا، لأن مافيش مواصلات عامة كتير فمش هتلاقي طوابير ناس على مواقف السيارات، ولا دوشة ميكروباصات.
وصلت خلاص، انزل بقى فك رجليك وشم نفسك على كورنيش المنيا، طبعًا أساسي تشتري ترمس وحمص، التمشية دي محتاجة كدا.

وانت في المنيا لازم هاتمر على ميدان طه حسين، أشهر ميدان في  المنيا، وفيه هاتلاقي أهم الخدمات والمطاعم والمستشفيات أيضا، وكمان في الشارع هتشوف عظمة الآثار الإسلامية المتجسدة في جامع اللمطي وجامع العمراوي وجامع الفولي.

كورنيش المنيا

بص وانت بتلف ع الكورنيش لازم هتجوع.. متحاولش، عشان كدا لازم تنطلق بقى وتتجه إلى مطعم بندقة في شارع طه حسين، وان أضمنلك إن ريحة طشة الملوخية هاتجيبك جري من بعيد، وكمان عندها جميع أنواع المحشى، وأحلي طاجن كوارع لأصحاب المزاج العالي.
لو عايز تغير بقى وتاكل أكل بحري، اطلع على الخليل للمشويات، عنده كل أنواع الأسماك الطازة.
آه نسيت اقولك ان بندقة عنده فرع في أول شارع طه حسين للكشري مش هتأكل زيه تاني.
أما للحلويات تعالي بقى لـ”الميهوب” لجميع أنواع الحلويات، بأشكالها الحلوة وتفاصيلها الأحلى، لو انت عامل دايت يبقى امسك نفسك.. أنا حذرتك أهو.
مقولتلكش أنا على أبو سيد.. أبو سيد دا بقى حكايته حكاية، رغم أنه محل تقريبًا مترين في شارع الفولي إلا أنه أشهر محل ببيع آيس كريم في الصيف وبليلة بلبن في الشتا، عنده كمان حلاوة المولد زي الفولية والحمصية والسمسمية، اللي بيعملها يوميًا.

القعدة الحلوة

اما القعدة الحلوة فدي لازم تشد الرحال إلى كافية “باتشينوس كافية” في الدور الأول علوي في شارع طه حسين، أو كافية “Toscanini” بجوار كنتاكي الاتنين أحلى من بعض، المكان هناك خيال والمشروبات كلها عظمة على عظمة.
من الشوارع المهمة في المنيا شارع الحسين، ودا لأنه يضم محلات كتيرة، بتبيع كل حاجة، من الملابس للأدوات المنزلية، الجميل في الشارع أنه فيه قهوة قديمة في منتصف الشارع ممكن تستريح عليها وتشرب قهوة من بتاعة زمان.
هاتزور ايه في المنيا؟
يا راجل دا سؤال برضو؟ اطلع على قرية تونا الجبل، غرب مركز ملوي، المقطع الأول من اسمها “تونا” اشتق من كلمة قاونت، يعني إقليم الأرنب أو اشتق من كلمة “قاحنت” بمعنى البحيرة الصغيرة، التي كان يتجمع فيها طائر “الأييس” رمز المعبود تحوت، معبود المنطقة آنذاك.
ودي تروحلها بمواصلة من موقف المنيا لملوي بـ6 جنيه، وتسأل على موقف تونا عند الثانوية بنات هتلاقي عربيات اﻷجرة، ودي أجرتها 3 جنيه، لو هاتاخد عربية مخصوص هاتبقى بالاتفاق ما بين 30 لـ50 جنيه.
http://bit.ly/2fHVp6A

منطقة تل العمارنة

مكانها على بعد 50 كيلو متر تقريبًا من محافظة المنيا، وبالتحديد في مركز ملوي، هاتلاقي فيها (القصر الشمالي والقصر الجنوبي)  معابد آتون – الأحياء السكنية من منازل للنبلاء وقرية للحرفيين – المقبرة الملكية– 28 مقبرة قديمة.

تذكرة دخول منطقة تل العمارنة 10 جنيه للفرد و5 جنيه للطالب المصري، وتذكرة دخول المقبرة الملكية 5 جنيه للفرد و3 جنيه للطالب.

السائح الأجنبي

بينما السائح الأجنبي فتذكرة الدخول 40 جنيه للفرد والطالب 20 جنيه.. والمقبرة الملكية 30 جنيه للفرد و15 جنيه للأجنبي. ودي تروحلها من ملوي، هتركب ميكروباص لمنطقة التل وبعدين هتاخد “معدية” هتعديك للبر التاني عند منطقة تل العمارنة.. ومن هنا هتمشي حوالي 3 كيلو لغاية ماتوصل للمقابر فوق ولو عندك مشكلة في المشي.. هتلاقي “تكاتك” كتير في البلد هيطلعك لفوق بـ 5 حنيه.
أيضا ممكن تاخد تأكسي من المحطة لمنطقة تل العمارنة بـ80 أو 100 جنيه على الأكثر.

منطقة الأشمونين

وفي منطقة الأشمونين، مكانها على بعد 40 كيلو متر من مدينة المنيا غرب مركز ملوي.. فيها آثار من العصور الفرعونية والإغريقية والرومانية والقبطية.. وكانت مركزا للعبادة في مختلف العصور التاريخية، وتضم 3 معابد.
بينما الأشمونين، قرية من ضمن قرى مركز ملوي هتوصل ليها من خلال ميكروباص من الموقف لقرية الاشمونين بـ6 جنيه.. وهاتلاقي نفسك في المنطقة الأثرية وسط البيوت.
ملحوظة: المنطقة مفتوحة للزيارة دون أي رسوم لأنها وسط منطقة سكنية.

بني حسن

كما تقع على بعد 60 كيلو متر من محافظة المنيا، مقابر بني حسن عبارة عن 39 مقبرة، أهمهم: مقبرة خيتي، ومقبرة باكت الثالث، ومقبرة خنوم حتب الثاني، ومقبرة امنمحات، ودي كاملة ومعدة للزيارة بالإضافة إلى مقـابر تاني زي ”مقبرة نختي، ومقبرة ريموشنتي، ومقبرة نترخنت”.
أشهر المساجد الأثرية في المنيا
مسجد العمراوي واللمطي وعبادة بن الصامت، تقدر تروح لأي واحد فيهم بتاكسي من المدينة بخمسة جنيه.

أيضا العمراوي مكانه في مدينة المنيا جنب مستشفي المنيا الجامعي، بيسموه مسجد الوداع، ودا أول مسجد جامع اتنبى في مدنية المنيا، اسمه جا نسبة لعمرو بن العاص.
أما مسجد اللمطي فمقام على مساحة 4 آلاف، اتبنى عام 549 هجرية، مكانه وسط مدينة المنيا ويطل على النيل مباشرة جنب مبنى المستشفى الجامعي.

مساجد المنيا

بينما مسجد عبادة بن الصامت، فهو أول مسجد فى ملوي، له مئذنتين.. واحدة على الطراز الأيوبي، والتانية العثماني.

أخيرا جامع اليوسفي مساحته تقريبا 2250 مترًا، اتسمى باليوسفى نسبة ليوسف بك غِطاس.. (أمير اللواء السلطاني وحاكم ولاية الصعيد) عام 500 هـ تقريبًا، واللي بناه في 1616ميلادية.

بعد ما تاخد جولة وتزور المساجد دي، لازم تطلع برا المدينة بقى.. اطلع على قرية دير البرشا على بعد 40 كم جنوب مدينة المنيا.. ودي تحتوى على العديد من المقابر الخاصة بكبار رجال الإقليم منهم حكام الإقليم والكهنة والنبلاء في عصر الدولة الوسطي.. والمكان منحوت في الصخر على ارتفاع 127 متر بمستويات مختلفة عكس مقابر بنى حسن.

كما أن أهم المقابر الموجود فى جبانة دير البرشا:

أيضا هناك مقبرة الحاكم جحوتي حتب الثانى.. وفيها مناظر روعة زي  مشهد نقل التمثال المصور على الجدار الغربى من الصالة الداخلية فى المقبرة.

كذلك دير البرشا موقفها جنب محطة القطر بتاعة ملوي، أجرة المواصلات 3 جنيه، لو هتركب عربية بالنفر ولو هتاخد عربية مخصوص يبقى بحسب الاتفاق لكن عادة بيكون من 30 ل 50 حسب المدة اللي هاتقضيها هناك.
قدامك كمان زيارة لدير أبو فانا علي بعد حوالي30 كم جنوب المنيا وحوالي 30  شمال مدينة ملوي، هاتستغرب ان المكان دا علي نفس خط عرض دير سانت كاترين في سينا.

آثار

في النهاية المكان دا فيه مجموعة آثار جميلة ونادرة تنتمي للفن البيزنطي، كما أن أسقف الكنائس تتشابه مع رسومان كنيسة الميلاد في بيت لحم.
وقبل ما تسيب المنيا ماتنساش تروح متحف ملوي، الذي أنشئ في 23 يونيو 1962 بالمنيا.. في عهد الرئيس الراحل جمال عبدالناصر، كما يضم مجموعة آثار من عصور مختلفة، هو عند بندر المنيا، تذكرة الدخول خمسة جنيه وتذكرة التصوير50 جنيه.